TimoCom презема одговорност за животната средина и општеството

Рака за рака низ земјата (Hand in Hand© durchs Land)

Иницијатива за поголемо партнерство помеѓу ПМВ и ТМВ

Со акцијата „рака за рака низ земјата“ пријателите на камионите и TimoCom заеднички се заложуваат за поголемо партнерство во патниот сообраќај. Акцијата започна во Фебруари 2012. Идеата за ова настана како доброволна иницијатива на еден интернет форум кој уште од 2003 се грижи за возачите на теретни возила и нивните потреби.

Исто и ние, како управители на транспротна берза, ги познаваме проблемите на нашите клиенти кои сè уште се борат со негативната претстава за транспортната берза. Затоа и не се мислевме многу и се приклучивме кон акцијата како спонзори и партнери. Редизајнирањето на логото како и создавањето на детален леток го презеде нашиот интерен оддел за дизајн. Михаел Мартини, управител на интернет форумот www.TruckerFreunde.de, објаснува што стои зад „Рака за рака низ земјата (Hand in Hand© durchs Land)“: „Позади воланот на камионот често се доживува како други учесници во сообраќајот не можат да поднесат некого, само затоа што тој постои. Луѓето ги сакаат добрата што камионот ги носи, ама не и самиот камион. Пријателите на камионите сакаат да преземат нешто против тоа и да се погрижат за поголема прифатеност на камионите.“

TimoCom не сака да се ограничи само на спонзорската улога, туку и активно да се вклучи во проширувањето на „Рака за рака низ земјата (Hand in Hand durch Land)“. Официјалниот почеток на ова се случи во шпедицијата Albrecht од Вупертал. Заедно со пријателите на камионите на шпедитерот Falk Albrecht и на неколкумина негови возачи им ги предадовме налепниците „Рака за рака низ земјата (Hand in Hand durch Land)“ и летоците. Albrecht покажа воодушевеност: "Ако претпоставиме дека камионите возат само кога тоа е економски оправдано, тогаш автомобилите и камионите мора да ги делат ресурсите, т.е. слободните автопатишта, во заеднички интерес. Само со меѓусебна почит и внимание, сообраќајот може да се одвива без проблеми, ако тоа воопшто уште е можно поради густината на сообраќајот."

Брошурата за „Рака за рака низ земјата (Hand in Hand durch Land)“ Ви е бесплатно на располагање за преземање на оваа страна. Кој има интерес да добие налепница, добредојден е да се обрати кај   hand-in-hand@timocom.com.

DocStop – за похумано работно место за професионални возачи

Со иницијативата за подобра медицинска заштита на професионални возачи кога се на пат, DocStop се грижи за поголема сообраќајна безбедност на автопатиштата. Бидејќи „само здрав возач е и безбеден возач“ Како партнер на транспортната бранша ја поддржуваме оваа акција со целосна убеденост.

Ако еден возач на камион има акутни поплаки или се разболи на пат, не може едноставно да „тркне на лекар“. За тоа сепак да биде можно, од 2007 DocStop се обидува да ги раздвижи нештата. Во меѓувреме, во цела Германија учествуваат веќе 700 партнери меѓу кои клиники, болници и лекарски ординации. 400 возачи месечно ја користат понудата на медицинската грижа за на пат. И странски возачи, кои се на пат по германските улици, го користат ургентниот телефон на DocStop и тоа на 23 јазици.

Во иднина проектот ќе се воведува и во други европски држави, а од 2013 во Падборг, Данска, поставени се првите четири DocStop инфо точки, спонзорирани од страна на данскиот сојуз на транспортни фирми ITD

Вака функционира DocStop: При здравствени проблеми настанати на пат, заболениот возач едноставно ја бира ургентната телефонска линија на DocStop која е достапна преку ADAC Truck Service. Накратко ги кажува симптомите, неговата локација, релацијата и директно дознава каде се наоѓа следниот DocStop партнер и каде се наоѓа соодветната можност за паркирање во правецот на движење. Таму возачот најбрзо можно се прегледа од страна на медицинско лице.

„Се радуваме на брзата и некомплицирана помош од страна на TimoCom. Средствата ќе ги искористиме да го етаблираме DocStop во иднина како и надвор од Германија.“ – според иницијаторот на DocStop, Рајнер Берникел, доктор и европски референт за безбедност во сообраќајот.

Награда

На 15 Декември 2010, Рајнер Барникел го доби сојузниот крст за заслуги за неговиот придонес за безбедноста на патиштата и за потребите на професионалните возачи – особено за успешното реализирање на иницијативата DocStop.

  Кон филмот од доделувањето

TimoCom го поддржува училишниот проект „Надвор од мртвиот агол“

Посебниот ангажман е важен за нас – и достоен за поддршка. Од тие причини ја поддржуваме работата на Round Table, една волонтерска организација која со училишниот проект „Надвор од мртвиот агол“ врши воспитно-образовна работа во смисла на спречување сообраќајни несреќи.

Многу често при вртење на камионите на десно, доаѓа до трагични сообраќајни несреќи. „Надвор од мртвиот агол“ сака во што повеќе основни училишта да ја претстави темата и тоа на деца од трето и четврто одделение. Во практичниот дел од настанот, во училишниот двор се довезува камион со возач, за на децата директно да им се предочат опасностите од мртвиот агол. Тука целото одделение се реди во мртвиот агол. Потоа сите деца, едно по едно, смеат да се качат во кабината, за да видат, дека оттаму не се гледа ниту едно од другите деца.

Повеќе од 500 вакви настани веќе беа организирани од 2006 наваму. Со спонзорирањето на проектот сакаме да придонесеме ова бројка и понатаму да се зголемува.

„Со придонесот на TimoCom сакаме и можеме проектот да го развиваме понатаму и трошоците да ги држиме на ниско ниво, со што можеме и понатаму да ги спроведуваме настаните.“

St. Raphael Haus им помага на децата и младите од целиот свет

Погледот вон сопствениот видокруг е наша секојдневна работа. Но, внимаваме и на тоа што се случува во нашата непосредна околина. Протоа во очи ни пад една посебна институција и тоа сред Диселдорф: St. Raphael Haus сред Диселдорф. Тука 73 вработени секојдневно се грижат да најдат топол дом безмалку 100 деца и младинци со различни животни приказни.

Во одделни групи тука не само што се учи како заеднички да се живее, туку да се развие и самостојна перспектива. Излетите, компјутерските крусеви или наставата по музичко се важни за севкупниот образовен процес, но не се покриваат со државни пари. Како Фирма од Диселдорф со задоволство сакаме да помогнеме и затоа еднаш годишно спонзорираме акции како качување, танц проект или екскурзија во природа. Освен тоа, и лично се ангажираме: На годишната пролетна прослава вработени на TimoCom ги поддржуваат децата и младинците директно на лице место.

За St. Raphael Haus Основана е е уште во 1851 и денес сè уште е симбол за човечки и социјални вредности. Тука припаѓаат: „мила човечка придружба, воспитување, грижа, советување, вовед во многу развојни и животни ситуации, надминување на кризи и социјална групна работа.“ Без разлика на националноста или религијата – St. Raphael Haus е отворена за сите деца кои го немаат неопходното внимание.

Партнер во образованието: TimoCom и стручниот колеџ во Хилден

При потпишувањето на договорот за соработка помеѓу стручниот колеџ во Хилден и TimoCom Soft- und Hardware GmbH една работа беше во прв план: Поврзувањето на теоријата и праксата. Оттогаш соработката и за двете страни се исплатеше.

Економските здруженија постојано се жалат: Учениците и практикантите не се соодветни за професионална обука. Предлози за решенија ректо се прават а многу фирми не ги поддржуваат стручните колеџи во нивните едукативни цели. Кај TimoCom тоа е поинаку бидејќи давателот на ИТ услуги за сите фирми коишто се занимаваат со транспортната дејност во редовни интервали поканува кај себе ученички и ученици на стручниот колеџ во Хилден. На овие посебни денови тие учат како работите научени во наставата се спроведуваат во пракса. Така стручниот колеџ во Хилден и TimoCom сакаат на ученичките и учениците да им овозможат полесен премин во работното секојдневие.

На пример TimoCom нуди обуки по Scrum, кои се спроведуваат од страна на вработени од одделот за ИТ-развој. Scrum методот е форма на проектна организација за развој на софтвер, значи многу веројатно е дека денешниот ученик утре ќе работи со оваа метода.

Како идни шпедитери, тие порано или подоцна ќе работат со производите на TimoCom, затоа што тие се неопходен дел од секојдневниот живот во диспозиција. Ученичките и учениците на стручниот колеџ во Хилден во иднина се во информативна предност што се однесува до производите на TimoCom – се подразбира дека експертите на TimoCom им објаснуваат како функционираат платформите и им откриваат по некој интерен совет.

Но, не добиваат само ученичките и учениците нешто од тоа партнерство. И на вработените во TimoCom им се допаѓа ангажманот на фирмата. Имаат многу забава при пренесувањето на нивната стручност и редовно добиваат позитивни повратни информации за тоа од учесниците. Двете страни имаат во најдобрата смисла на зборот корист од соработката помеѓу стручниот колеџ Хилден и TimoCom.